पिंगली वेंकैया ह बनाइस हे तिरंगा

पिंगली वेंकैयाजी ह गजब गुनी मनखे रिहिस। कईठन बिसय म गियानी रिहिस। हिन्दी, अंगरेजी अउ जापानी भासा के गजब जानकार रिहिस। जापानी भासा ल बरोबर जानय, ते पाय के वोला जापान पिंगली काहय। वोहा किरिसी बिग्यान अउ भू-बिग्यान के गियानी रिहिस। हीरा के खान म हीरा ल परख लेवय। ऐकर सेती वोला डायमंड पिंगली काहंय।

ऐसो के बछर ल अजादी के अमरित महोत्सव के रूप म मनाय जावत हे। ए दरी घरो-घर म तिरंगा झंडा फहराय के नारा हे।
ए झंडा के बनइया गुनी मनखे के नाव हे पिंगली वेंकैया। तिरंगा झंडा बनाय बर वोहा गजब मिहतन करे रिहिस। पांच बछर ले कईठन देस के झंडा के अध्ययन करे के बाद हमर तिरंगा ल बना पाय रिहिस। पहली ए झंडा हर दू रंग के रिहिस लाल अउ हरियर। लाल रंग हिन्दू के अउ हरियर रंग मुसलमान के परतीक रिहिस। झंडा के बीच म चरखा के चिनहा बने रिहिस। महात्मा गांधी ल ये झंडा बड़ पसंद आय रिहिस, फेर वोला अउ बने असन बनाय के सलाह दिस। त पिंगलीजी ह तीन रंग के तिरंगा झंडा बनइस। तेकर बीच म चरखा के चिनहा ल वइसनेच राखिस। बाद म चरखा के चिनहा के जगा म असोक चक्र ल रखे गिस।
पिंगलीजी ह आजादी के लड़ई म महात्मा गांधी ल 50 बछर संग दिस। पिंगली वेंकैयाजी ह गजब गुनी मनखे रिहिस। कईठन बिसय म गियानी रिहिस। हिन्दी, अंगरेजी अउ जापानी भासा के गजब जानकार रिहिस। जापानी भासा ल बरोबर जानय, ते पाय के वोला जापान पिंगली काहय। वोहा किरिसी बिग्यान अउ भू-बिग्यान के गियानी रिहिस। हीरा के खान म हीरा ल परख लेवय। ऐकर सेती वोला डायमंड पिंगली काहंय।
19 बछर के उमर म फौज म भरती होइस
वोहा कपास के खेती के सोध करके नवा जानकारी दे रिहिस। वो बिसय म रिसर्च करे रिहिस। ए सेती ले वोला पट्टी वेंकैया घलोकाहंय। वोहा 19 बछर के उमर म फौज म भरती हो गे रिहिस। फेर, गांधीजी के आजादी के लड़ई म संघर गे। आंध्रपरदेस के विस्वविद्यालय म वोहा भू-बिग्यान अउ किरिसि के प्रोफेसर रिहिस। 2009 म वोकर नाव के डाक टिकिट जारी करे गे रिहिस हे। आंध्र परदेस म वोकर नाव के पिंगली वेंकैया रेलवे स्टेसन रखे गे हे। पिंगली के जनम स्थान मछलीपट्टम हर, जिहां वोहा सिक्छा के केन्द्र खोले रिहिस। 4 जुलाई 1963 के दिन 86 बछर के उमर म वोहा परलोक सिधार दिस। पिंगलीजी के सुरता म वोकर गांव म एकठन म्यूजियम बनाय बर चाही। कईझनमन के सलाह हे कि वोला भारत रत्न ले सम्मानित करे जाय।